هادي ودالبورت يكتب: راينا فيما ما قاله مناع في التسجيل

Advertisement

 

قال جهاز الأمن والمخابرات شغال شغل مرتب في أخفاء ملفات الفســاد ، كل ملفات الفساد بشيلها يوديها السيادي “.. فيما يلينا شفنا الكلام ده في قوائم الحظر ، وقوائم تجار العملة البسافرو وبيدخلو ويطلعوا عاااادي
– قال معظم المطارات في تواطؤ نهريب من المكون الأهادي ودالبورت يكتب: راينا فيما ما قاله مناع في التسجيلمني والعسكري .. وقال حتى تهريب 18كيلو لحد الآن موضوعها ما أتحرك لانها بتتبع لقائد أحدى الحركات المسلحة .” … نحن عندنا 5 بلاغات 4 دهب ، واحد عمله صعبة حصلت فيهم تدخلات كتيرة من جهات جنجويد.
– قال أغلب وكلاء النيابة سيئين ولا يوجد نيابة وعدد قليل بس الشغال صاح .. فيما نتابع من بلاغات بكون وكيل النيابة مضغوط جداً وتلفونو ما بقيف من التدخلات السيادية والأمنية .. كنا بنقول باكر بتجي الدولة المدنية وبيجي الصباح
– قال لقينا ضباط شرطة حساباتهم فيها مليارات ، هناك حالات في السوق بيكون الجهة الأمنية زاتو بروكر لتاجر العملة ومرات بكون بيغطيهم.
– قال طيارات الدهب عملت 28 رحلة تمت بين مطار بورتسودان واللازقية خلال أربعة شهور حتى يونيو الفات ، طلبنا تتفتح الصناديق رفضو وأتدخل البرهان ، وودي بعدها طوالي جانا هجوم من الصحفين وجدادهم
قال في حماية منظمة لعمليات تهريب الدهب وفي حماية منظمة لتجارة العملة ، أبصم بالعشرة على كلامو ، واحد من أشهر بروكرات العساكر معروف خليفة ود شيخ لمن يكون عندهم طلبية طوالي السوق بيعرف أنو دي طلبية عساكر ، حسابو زاتو في أمدرمان الوطني.
قال القروش في الخارج ده موضوع أستلمو الناس في مكتب رئيس مجلس الورزاء أنا ما عارفو ، لكن في منظمة جاتنا شغلة بتتحصل لينا مجاني حصلت لينا 5.4
قال مدير الجمارك فاسد ، ومحمي من العسكر
..
أي كان رايك والجهة الجابت ليك الكلام ومن خلالها كونت رايك عن صلاح مناع حرامي فاسد أو كويس .. لكن نحن قاعدين في الملفات بشكل يومي كلامو ده هو الواقع العايشنو في السودان
أستعجال تكوين مفوضية الفساد المستلقة ده هو المفروض يكون أولوية حملاتنا .. مستقلة ما تخضع لأي محاصصات ولا يعينها ألا حمدوك بعد منح فرصة للطعون .. لأنو مهم سجلو مهم ما يكون فيها أي لخبطة بالسياسة
والأهم يكون ما يخضع للعسكر ولا يهابهم لانو هم رعاة الدولة الموازية في البلد دي ، وأي دولة مدنية حا تقوم حا تخصم من الأمتياز ده

 

Advertisement

Comments are closed.

//benoopto.com/5/4671860 https://propu.sh/pfe/current/tag.min.js?z=4671859