- Advertisement -

شمارات.. سلك: تكون حركات جيش ياربي؟!

- Advertisement -

0


- Advertisement -

- Advertisement -

*نحنا ماجياشة ولا نقلونا فتاشة

*لكن مشاعرنا جياشة

*مامتنا لكن شقينا المقابر

*لذا بنعرف البوت اقصد الموت

*مادخلنا كلية حربية (مابرانا)

*ولا اتجندنا في معسكر ولا انضمينا لي مليشيا

*ونؤمن ان في كل حركة بركة

*وعلى الرغم من كترت الحركات ماعملنا حركة

*لا مسلحة لا مصلحة  لا مصفحة

*فالحركات الزمن ده يا اما حركة مسلحة

*ياحركة مصلحة (بفتح الميم وسكون الصاد)

*ياحركة مصفحة (ودي بكون عندها دهب وتاتشر وكاش بقلل اي نقاش وود نفاش

*ده كلو ماعملناهو

*لكن بنعرف الجيش

*وبنعرف حركات الجيش

*وبنعرف حركات الشفع برضو

*شخصيا انا ود جيش

*الوالد عليه رحمة الله كان ضابط (خريج كلية على الطلاق) وعمي ضابط وشارك في انقلاب كمان (موش ضابط فشخرة)..

*وخالي الكبير كان قائد سلاح الاشارة وتخرج في الكلية الحربية أول دفتعو (تحسبو لعب)!

*جدي لامي من الضباط الذين قاموا بسودنة الجيش السوداني (الارشيف لدى صحيفة القوات المسلحة)

*تنقلنا مع الجيش وعشنا في مدن مختلفة حبينا من خلال ذلك التنقل كل السودان

*عشنا في واو، وجوبا والفاشر ونيالا وشندي وجبيت واييييييك

*عرفنا من خلال تلك الرحلة الحياتية الجيش

*وتضحيات الجيش

*وعلمونا كرامة الجيش

*ونشأنا عيننا مليااااااانة

*ارضاً ظرف ياخ

*مهما كان الظرف ارضاً ظرف

*ماجياشة

*لكن تأدبنا باخلاق الجيش

*لاتقبل الحقارة

*لاتتقاعس عن تقديم العون لمواطن او للوطن

*قدم روحك على طبق من ذهب اكراما للجيش والوطن والمواطن

*خت بندقيتك على جمب وشارك في البناء والتعمير

*ايام جميلة قضيتها في طفولتي في رحاب الجيش

*وانا بتابع في القنوات

*جات سيرة حرب اليمن

*عملت روحي ماسامع

*عملت ارضاً ريموت ودنقرت ارفعو

*بعد مرات الهروب من الحرج افضل من الاعتراف بالحرج

*واتعلمنا من الجيش الاقدمية والرتب والاحترام والمسؤولية

*بسسسسس

*جابوا في الجزيرة لقطة لحميدتي يصافح مستقبلين له

*المستقبلون كانوا رتب جياشة ورتب دعامة ورطب ملكية

*لاحظت لقائد الدعم يحيي ضابط الدعم الذي يحيه بدوره ثم يصافحه

*ولما يجي الدور على ضابط جيش ورتبة

*ضابط الجيش يحي

*دقلو مابحيهو

*ولكنه للأمانة يصافحه

*يصافحه بعد ان يكون الضابط حيا وما اتحيا

*استغربت

*لكن صفيت النية

*قلت يمكن الوثيقة الدستورية اعفت حميدتي من التحية العسكرية لضباط الجيش

*والزمت ضباط الجيش بها

*فتخيلت خيالات منها

*حميدتي يغني

*اداني التحية

*دموعي سالت والمنام ابي لي انا

*وقلت القصة يمكن ماكدة

*يمكن دي حركات جيش جديدة

*ونحنا طووووولنا من الجيش

*ياحليل الجيش

*كانت لنا ايام

*أها

*نجي لي شمارات والي الخرتوم

*تعرف يا والينا

*انا ذاتي المنام ابي لي انا

*والعجب حبيبي

شمارات الكلب

ننساك كيف والكلب قال والله زول ماحياني ما اهز ليهو ضنبي….كرامتنا ياعمك

وإلى لقاء

سلك

لقراءة الخبر من المصدر إضغط هنا

Leave A Reply

Your email address will not be published.